Íþróttir | Körfubolti | mbl | 5.2.2022 | 10:17

Þreföld tvenna Doncic skilaði sigri

Luka Doncic fór á kostum í nótt. AFP

Slóveninn Luka Doncic átti sannkallaðan stórleik fyrir Dallas Mavericks þegar liðið vann góðan 107:98-sigur á Philadelphia 76ers í NBA-deildinni í körfuknattleik í nótt.

Doncic var með þrefalda tvennu; skoraði 33 stig, tók 13 fráköst og gaf 15 stoðsendingar.

Er þetta í 44. sinn sem Doncic nær þrefaldri tvennu á ferlinum en hann er enn aðeins 22 ára gamall.

Kamerúninn Joel Embiid var með tvöfalda tvennu fyrir Philadelphia í 23. sinn á tímabilinu í 40. leiknum á því.

Philadelphia náði mest 16 stiga forystu í öðrum leikhluta en Dallas kom vel til baka og tryggði sér sigur.

Gera þurfti 44 mínútna hlé á leiknum strax í fyrsta leikhluta þegar kom í ljós að önnur karfan var skökk. Doncic setti niður þriggja stiga skot ofan í skakka körfuna og benti síðan dómurum leiksins á að hún væri ekki eins og hún ætti að vera.

Luka called out the rim not being level after hitting a three 👀

(via @NBATV)pic.twitter.com/C6qPjnMUyA
— Bleacher Report (@BleacherReport) February 5, 2022