Haukar í úrslit

Hauk­ar tryggðu sér far­seðil í úr­slita­ein­vígið í úr­slita­keppni Íslands­móts­ins í körfu­bolta kvenna með 80:73 sigri á Val í þriðja leik liðanna í kvöld. Hauk­ar unnu ein­vígið því 3:0.

Fyrsti leik­hlut­inn var hin mesta skemmt­un og skipt­ust liðin á körf­um fram­an af. Mikið jafn­ræði var með liðunum þar til lítið var eft­ir af leik­hlut­an­um en þá komust Hauk­ar skrefi fram úr og leiddu 26:19 fyr­ir ann­an leik­hluta.

Ann­ar leik­hluti var svo al­gjör eign Hauka sem léku á als oddi. Val­ur réði ekk­ert við frá­bær­an sókn­ar­leik Hafn­f­irðinga sem röðuðu niður hverri körf­unni á fæt­ur ann­arri og náðu mest 19 stiga for­ystu. Val­ur lagaði stöðuna aðeins fyr­ir hálfleik en þegar liðin gengu til bún­ings­her­bergja var staðan 52:37.

Sókn­ar­leik­ur Hauka gekk alls ekki jafn vel í þriðja leik­hluta og fyrstu tveim­ur. Val­ur þétti raðirn­ar og náðu að minnka for­skotið nokkuð hratt. Þegar leik­hlut­inn var u.þ.b. hálfnaður minnkaði Hild­ur Björg Kjart­ans­dótt­ir mun­inn niður í fimm stig með þriggja stiga körfu og hélst for­yst­an í kring­um það bil út leik­hlut­ann. Staðan fyr­ir fjórðal­eik­hluta var 65:60, Hauk­um í vil.

Spenn­an var í há­marki í fjórða leik­hluta en alltaf voru Hauk­ar skrefi á und­an. Alltaf þegar Val­ur minnkaði mun­inn svöruðu Hauk­ar og héldu þannig for­skot­inu í 5-10 stig­um. Leik­menn Vals reyndu hvað þeir gátu til að jafna en allt kom fyr­ir ekki. Hauk­ar unnu 80:73 sig­ur og tryggðu sér þar með 3:0 sig­ur og sæti í úr­slita­ein­víg­inu gegn annað hvort Fjölni eða Njarðvík.

Hai­den Pal­mer var átti frá­bær­an leik og var stiga­hæst í liði Hauka en hún skoraði 24 stig, tók 10 frá­köst og gaf sex stoðsend­ing­ar. Helena Sverr­is­dótt­ir kom næst með 11 stig.

Hjá Val var Ameryst Al­st­on stiga­hæst en hún lék frá­bær­lega líkt og Hai­den hjá Hauk­um. Al­st­on skoraði 23 stig, tók 11 frá­köst og gaf sex stoðsend­ing­ar. Hild­ur Björg Kjart­ans­dótt­ir átti einnig flott­an leik með 18 stig og átta frá­köst.

Hauk­ar skrefi á und­an all­an leik­inn

Hauk­ar komust skrefi á und­an strax í fyrsta leik­hluta og létu for­yst­una aldrei af hendi. Bæði lið áttu áhlaup en Val­ur náði aldrei að jafna aft­ur. Varn­ar­leik­ur Hauka í leikn­um var mjög góður og sókn­ar­leik­ur­inn gekk smurt stærst­an hluta leiks­ins með Hai­den Pal­mer í broddi fylk­ing­ar. Helena Sverr­is­dótt­ir sýndi svo mik­il­vægi sitt þegar mest var und­ir en hún setti niður mik­il­væg víta­skot, ásamt því að ná í dýr­mæt frá­köst og spila frá­bæra vörn.

Val­ur spilaði ekki beint illa í leikn­um en liðið fékk mikið af opn­um skot­um sem voru ein­fald­lega ekki að detta. Þetta var vanda­mál allt ein­vígið og leik­ur­inn í kvöld var eng­in und­an­tekn­ing. Ameryst Al­st­on, Hild­ur Björg Kjart­ans­dótt­ir og Ásta Júlía Gríms­dótt­ir skiluðu flottu fram­lagi en aðrir leik­menn lögðu ekki nægi­lega mikið á vog­ar­skál­arn­ar.

Val­ur	73:80	Hauk­ar	Opna lýs­ingu Loka
99. mín. skor­ar
mín. 40 Leik lokið 73:80 - Haukar sópa Val 3:0! 40 72:78 - Valur fékk tækifæri til að minnka muninn enn frekar en Haukar virðast vera að sigla þessu í höfn. 36 64:74 - Haukar komnir með 10 stiga forystu þegar rúmlega fjórar mínútur eru eftir af leiknum! 34 64:70 - Ameryst er komin aftur inn á. Frábærar fréttir fyrir Val. 32 62:68 - Hún er staðin á fætur og röltir af velli. Sjáum til hvort hún geti spilað meira í leiknum. 32 62:68 - Ameryst steinliggur eftir að hafa lent í harkalegri hindrun. Það er mikið áhyggjuefni fyrir Val ef hún getur ekki haldið leik áfram. 31 Fjórði leikhluti hafinn 30 Þriðja leikhluta lokið 60:65 - Það er allt í járnum fyrir lokaleikhlutann! 29 60:64 - Hildur Björg með frábæra körfu og minnkar muninn í fjögur stig! 25 52:57 - Hildur Björg setur niður þriggja stiga skot og minnkar muninn í fimm stig. Við erum með leik! 23 45:54 - Ameryst Alston setur niður körfu og fær víti með, sem hún setur sömuleiðis niður. Munurinn kominn aftur niður fyrir 10 stig. 21 Síðari hálfleikur hafinn 20 Hálfleikur 37:52 - Haukar leiða með 15 stigum að loknum fyrri hálfleik. 18 33:51 - Haukar eru að stinga af! 14 23:39 - 16 stiga munur! 12 21:31 - Haukar eru að spila frábæran körfubolta hérna og eru komnar 10 stigum yfir! 11 Annar leikhluti hafinn 10 Fyrsta leikhluta lokið 19:26 - Það eru Haukar sem leiða að loknum fyrsta leikhluta! 9 19:21 - Þetta er frábær leikur hingað til! 5 10:10 - Þriggja stiga körfur frá Lovísu Björt og Haiden og Haukar jafna! 4 10:4 - Valur byrjar af krafti. 2 4:0 - Ásta Júlía skorar fyrstu fjögur stig leiksins. 1 Leikur hafinn 0 0 Báðir leikirnir hingað til hafa verið hnífjafnir. Haukar unnu fyrsta leikinn með þriggja stiga mun og annan leikinn með tveggja stiga mun. Vonandi fáum við sömu spennu í kvöld. 0 Haukar leiða einvígið 2:0 en þetta er þriðji leikur þess. Hafnfirðingar hafa því tækifæri til að tryggja sig inn í úrslitaeinvígið í kvöld. 0 Komiði sæl og blessuð og verið velkomin með mbl.is í beina textalýsingu frá leik Vals og Hauka í undanúrslitum Íslandsmóts kvenna. Sjá meira Sjá allt Dómarar: Sigmundur Már Herbertsson, Davíð Kristján Hreiðarsson og Birgir Örn Hjörvarsson Lýsandi: Aron Elvar Finnsson Völlur: Origo-höllin

• Blogga um frétt