Landsliðsmaðurinn Martin Hermannsson var borinn meiddur af velli er hann og liðsfélagar hans í Valencia féllu úr leik í átta liða úrslitum um spænska meistaratitilinn í körfubolta í kvöld.
Valencia mátti þola 59:76-tap á heimavelli fyrir Baskonia og 1:2-tap í einvíginu fyrir vikið. Baskonia fer áfram í undanúrslitin.
Þegar skammt var eftir af fyrri hálfleik féll Martin til jarðar, hélt um vinstra hnéð og virtist sárþjáður. Hann var að lokum borinn af velli.
Ekki er ljóst hve alvarleg meiðslin eru en íslenska landsliðið mætir Hollandi 1. júlí næstkomandi í forkeppni HM.
Martin lék tíu mínútur í leiknum og skoraði sex stig og tók tvö fráköst.
🙏 Martin Hermannsson se retira lesionado
— Gigantes del Basket (@GIGANTESbasket) May 30, 2022
¡Mucho ánimo!pic.twitter.com/uGKPXjnMz5