Úr leik eftir slæmt tap gegn Slóveníu

Kvenna­landslið Íslands í körfuknatt­leik skipað leik­mönn­um 20 ára og yngri mátti þola 27 stiga tap gegn Slóven­íu á Evr­ópu­móti kvenna í Makedón­íu. 

Slóven­ía vann því riðil­inn með tvo sigra og eitt tap. Ísland, Nor­eg­ur og Slóvakía voru hins­veg­ar öll með einn sig­ur og tvö töp en vegna inn­byrðis­stöðu hafnaði Ísland í neðsta sæti riðils­ins. 

Diljá Lár­us­dótt­ir var stiga­hæst í liði Íslands með 18 stig, Elía­beth Ægis­dótt­ir átti einnig góðan leik og var með 11 frá­köst, þrjár stoðsend­ing­ar og þrjá stolna bolta. 

Ísland leik­ur næst á morg­un um 9. til 18. sæti á mót­inu en mót­herji liðsins verður eitt af Kosovo, Króa­tíu eða Makedón­íu. 

• Blogga um frétt