Álftanes vann stórleik fyrstu umferðarinnar
Setja bókamerki
Álftanes lagði Þór frá Akureyri að velli, 90:85, í stórleik fyrstu umferðar 1. deildar karla í körfuknattleik en öll umferðin var leikin í gærkvöld.
Þórsarar féllu úr úrvalsdeildinni en Álftanes hefur gert sig líklegt til að slást um úrvalsdeildarsæti í vetur og þessi sigur gefur liðinu eflaust byr undir báða vængi.
Dúi Þór Jónsson skoraði 24 stig fyrir Álftanes og Cedrick Taylor Bowen 21 en Tarojae Ali-Paishe Brake skoraði 30 stig fyrir Þórsara.
Landsliðsmaðurinn Ragnar Nathanaelsson sneri aftur til Hamars í sumar eftir langa fjarveru og hann skoraði 19 stig og tók 13 fráköst í sigri gegn Hrunamönnum á Flúðum, 105:87.
Austin Magnus Bracey skoraði 23 stig fyrir nýliða Ármanns sem fóru vel af stað með sigri á Skallagrími, 93:81.
Úrslit í fyrstu umferðinni urðu þessi:
Ármann - Skallagrímur 93:81
Fjölnir - Selfoss 100:89
Hrunamenn - Hamar 87:105
ÍA - Sindri 75:80
Álftanes - Þór Ak. 90:85
Fúnu fjalirnar og leikreglurnar
Öllum ferðum eftir hádegi aflýst
Ellefu látnir eftir skotárásina í Örebro
Tveir enn á gjörgæslu eftir skotárásina
Sektir innheimtar áfram þrátt fyrir afplánun
Fagnar lækkun en hefur einnig áhyggjur
Verkfallið fær „mjög hraða meðferð“
„Líklega versta veður ársins“