Lakers kastaði sigrinum frá sér
Setja bókamerki
LA Lakers fór illa að ráði sínu og tapaði þriðja leik sínum í röð í NBA-deildinni í körfuknattleik karla þegar liðið mætti Portland Trail Blazers seint í gærkvöldi.
Lakers var með yfirhöndina nánast allan síðari hálfleikinn og var til að mynda komið í 98:90 forystu í fjórða og síðasta leikhluta.
Portland gafst hins vegar ekki upp og náði að snúa taflinu við áður en yfir lauk og vann frækinn 106:104-sigur eftir að Jerami Grant setti niður sniðskot þegar þrjár sekúndur voru eftir á leikklukkunni.
Damian Lillard átti stórleik í liði Portland og skoraði 41 stig.
Gamla brýnið LeBron James fór þá fyrir Lakers og skoraði 31 stig ásamt því að taka átta fráköst og gefa átta stoðsendingar.
Alls fóru sjö leikir fram í NBA-deildinni í gærkvöldi og í nótt.
Öll úrslitin:
LA Lakers - Portland 104:106
Atlanta – Charlotte 109:126
Cleveland – Washington 117:107 (frl.)
New Orleans – Utah 121:122 (frl.)
Oklahoma – Minnesota 106:116
Golden State – Sacramento 130:125
LA Clippers – Sacramento 95:112
Í vinnunni á aðfangadagskvöldi í 25 ár
Skoða ráðstafanir vegna mikillar kuldaspár
Spá 13-18 stiga frosti í borginni
Björgunarsveitir kallaðar út í nótt
Búið að opna Hellisheiði