Skoruðu yfir 150 stig

Leik­menn Sacra­mento Kings voru í miklu stuði er liðið mætti Brook­lyn Nets í NBA-körfu­bolt­an­um í Banda­ríkj­un­um í nótt. Vann Sacra­mento 153:121-heima­sig­ur á Brook­lyn-liðinu. 

Sacra­mento-liðið skoraði 42 stig í þriðja leik­hluta og tæp­lega 40 stig í hinum þrem­ur leik­hlut­un­um.

Ter­rence Dav­is kom afar sterk­ur af bekkn­um og skoraði 31 stig. Næstu sex leik­menn skoruðu á milli 12 og 19 stig í jafnri frammistöðu Kali­forn­íu-liðsins. Kevin Durant skoraði 27 stig fyr­ir Brook­lyn.

Port­land Trail Blazers er á toppi Vest­ur­deild­ar­inn­ar með 14 sigra og fjög­ur töp eft­ir 117:110-heima­sig­ur á San Ant­onio Spurs. Jerami Grant skoraði 29 stig fyr­ir Port­land og Jakob Pöltl 31 fyr­ir San Ant­onio.

Þá lék Luka Doncic vel fyr­ir Dallas Mavericks að vanda í 103:101-heima­sigri á Los Ang­eles Clip­p­ers. Skoraði Slóven­inn 35 stig og tók 11 frá­köst. Paul Geor­ge skoraði 23 fyr­ir Clip­p­ers.

Úrslit næt­ur­inn­ar í NBA-körfu­bolt­an­um:
New Or­le­ans Pelicans – Memp­his Grizzlies 113:102
Dallas Mavericks – Los Ang­eles Clip­p­ers 103:101
Utah Jazz – New York Knicks 111:108
Port­land Trail Blazers – San Ant­onio Spurs 117:110
Sacra­mento Kings – Brook­lyn Nets 153:121

• Blogga um frétt