Lygilegur Lillard skoraði 71 stig
Setja bókamerki
Damian Lillard átti magnaðan leik fyrir Portland Trail Blazers þegar hann skoraði yfir helming stiga liðsins í 131:114-sigri á Houston Rockets í NBA-deildinni í körfuknattleik í nótt.
Lillard skoraði 71 stig, hvorki meira né minna, og bætti við sex fráköstum og sex stoðsendingum.
Hann skráði sig þar með í sögubækur deildarinnar enda um einstaka frammistöðu að ræða.
Er Lillard í áttunda sæti yfir flest skoruð stig í einum leik í sögu NBA-deildarinnar með frammistöðu næturinnar.
Nikola Jokic, Jókerinn, var þá með enn eina þreföldu tvennuna á yfirstandandi tímabili þegar lið hans Denver Nuggets hafði betur gegn LA Clippers, 134:124, eftir framlengdan leik.
Jokic skoraði 40 stig, tók 17 fráköst og gaf 10 stoðsendingar.
Stigahæstur hjá Clippers var Kawhi Leonard með 33 stig og sex fráköst.
Öll úrslit næturinnar:
Portland – Houston 131:114
Denver – LA Clippers 134:124 (frl.)
Golden State – Minnesota 109:104
Oklahoma – Sacramento 115:124
Cleveland – Toronto 118:93
Dallas – LA Lakers 108:111
Chicago – Washington 102:82
Atlanta – Brooklyn 129:127
Milwaukee – Phoenix 104:101
Telur sér ekki heimilt að úthluta Helga verkefni
Samfylking og Viðreisn gáfu loforð
Lyklaskipti í ráðuneytunum
Bjarni afhenti Kristrúnu lyklana
Barn lést í árásinni
Þetta eru ráðherrar ríkisstjórnarinnar
„Aðstæður í stjórnmálum geta breyst á einni nóttu“