Sannkallaður toppslagur á Hlíðarenda

Heil umferð, 23. umferð, fer fram í Subway-deild kvenna í körfuknattleik í kvöld. Topplið Vals tekur á móti Haukum toppslag í Origo-höllinni á Hlíðarenda.

Valur er sem stendur í efsta sæti með 38 stig líkt og Keflavík í öðru sæti og skammt undan eru Haukar með 36 stig.

Valur hefur unnið 13 leiki í deildinni í röð og kom raunar síðasta deildartap liðsins gegn Haukum þegar liðin áttust við í Origo-höllinni þann 9. nóvember síðastliðinn.

Í millitíðinni hafði Valur betur gegn Haukum í Ólafssal á Ásvöllum.

Fleiri athyglisverðar viðureignir eru á dagskrá þar sem Grindavík og Njarðvík mætast í Suðurnesjaslag.

Fjögur stig skilja liðin að þar sem Njarðvík er í fjórða sæti með 22 stig og Grindaík í því fimmta með 18.

Leikir kvöldsins:

Grindavík – Njarðvík kl. 18.15

Keflavík – Breiðablik kl. 19.15

Fjölnir – ÍR kl. 19.15

Valur – Haukar kl. 20.15

• Blogga um frétt