Tindastóll vann eftir framlengda spennu

„Pavel er að gefa okkur þetta bullandi sjálfstraust sem við vorum með,“ sagði Sigtryggur Arnar Björnsson, leikmaður Tindastóls, eftir sigurinn. 

Tilefnið var spurning blaðamanns um breytinguna á liðinu við komu Pavel Ermolinski í þjálfarastöðu liðsins. Óhætt er að taka undir þetta hjá Sigtryggi Arnari því þetta Tindastólslið er komið í úrslitakeppnisgír líkt og í fyrra og verða illviðráðanlegt í þessari seríu. 

Það tók hinsvegar framlengingu til að knýja fram úrslit kvöldsins en ólseigir Keflvíkingar neituðu að gefast upp þrátt fyrir að vindurinn stæði ekki í seglin hjá þeim megnið af seinni hálfleik.

Í fjarverðu Harðar Axels Vilhjálmssonar hjá Keflavík tók Halldór Garðar Hermannsson við keflinum og stóð vaktina nokkuð vel í kvöld. Kappinn skilaði 20 stigum í kvöld og hafði þetta að segja eftir leik.

„Við söknuðum auðvitað Harðar, hann bindur vörnina svolítið saman hjá okkur og það sést, við fáum á okkur 114 stig í kvöld og það er ekki eitthvað sem við stöndum fyrir." sagði Halldór.

En leikurinn í heild sinni stórskemmtilegur þar sem að liðin skiptust á að vera yfir.  Áhlaup Tindastóls í seinni hálfleik vó þungt og Keflvíkingar við það að brotna en þeir aðeins bognuðu. Komu tilbaka, sýndu gríðarlegan karakter og komu leiknum í framlengingu. Þrátt fyrir að vera á heimavelli þá voru veðbankarnir að setja sitt á Tindastól. Og svo sem ekkert óvænt þar í raun.

Keflvíkingar hafa ekki verið að spila vel undir lok móts, Hörður Axel í banni og Tindstólsmenn hafa verið vaxandi nokkuð hratt nú í undanfari úrslitakeppninar.  En leikurinn í kvöld sýnir okkur að þetta verður hörkurimma. Fyrsta skákin fór til þeirra Skagfirðinga en nú verður fróðlegt að fylgjast með hvað verður í næsta leik liðanna.