Íþróttir | Körfubolti | mbl | 6.4.2023 | 9:45

Milwaukee gulltryggði toppsætið án síns besta manns

Bobby Portis fagnar þriggja stiga körfu í nótt. AFP/Stacy Revere

Milwaukee Bucks tryggði sér í nótt toppsæti austurdeildar NBA-deildarinnar í körfubolta í Bandaríkjunum. Liðið lagði Chicago Bulls, 105:92, án Giannis Antetokounmpo í nótt.

Bobby Portis átti flottan leik fyrir Bucks en hann skoraði 27 stig og tók 13 fráköst. Hjá Bulls var Nikola Vucevic stigahæstur með 21 stig og 11 fráköst.

Í Los Angeles lagði Clippers sjóðheita Lakers-menn í borgarslag, 125:118. LeBron James var frábær í liði Lakers en hann skoraði 33 stig, tók 8 fráköst og gaf 7 stoðsendingar. Norman Powell var stigahæstur í Clippers-liðinu með 27 stig.

Boston Celtics var án lykilmanna í nótt en þrátt fyrir það vann liðið Toronto Raptors, 97:93, og tryggði með því annað sæti austurdeildar. Jayson Tatum, Marcus Smart og Al Horford voru allir frá í liði Boston en Malcom Brogdom steig upp í fjarveru þeirra og skoraði 29 stig. Hjá Toronto var Pascal Siakam stigahæstur með 28 stig.

Öll úrslit næturinnar í NBA-deildinni má sjá hér að neðan:

Brooklyn Nets 123:108 Detroit Pistons

New York Knicks 138:129 Indiana Pacers

Washington Wizards 116:134 Atlanta Hawks

Toronto Raptors 93:97 Boston Celtics

Chicago Bulls 92:105 Milwaukee Bucks

Memphis Grizzlies 131:138 New Orleans Pelicans

Sacramento Kings 119:123 Dallas Mavericks

Los Angeles Lakers 118:125 Los Angeles Clippers