Haukakonur tryggðu sér oddaleik

Það var mikið í húfi þegar Valskonur tóku á móti Haukakonum í fjórða leik liðanna í 8-liða úrslitum Íslandsmóts kvenna í körfubolta á Hlíðarenda í kvöld. Valskonur leiddu einvígið, 2:1, fyrir leikinn og er ljóst að gestirnir yrðu að vinna ef þær ætluðu að halda sér á lífi í einvíginu.

Leiknum lauk með sigri Haukakvenna, 80:70, og ljóst er að mikil spenna verður á Ásvöllum nk. sunnudag þegar oddaleikur einvígisins fer þar fram.

Frétt af mbl.is

Vinnuframlagið hjá mínum leikmönnum var til fyrirmyndar

Fyrsti leikhluti var jafn og spennandi og það var ljóst snemma að mikið væri undir því liðin virkuðu taugaóstyrk í byrjun leiks og erfitt var að koma boltanum ofan í körfuna. Þegar mesti skrekkurinn var farinn úr leikmönnum beggja liða, þá skiptust liðin á körfum og staðan eftir fyrsta leikhluta var 20:22, gestunum í vil.

Kiana Johnson keyrir í átt að körfunni í kvöld. mbl.is/Kristinn Magnússon

Í öðrum leikhluta sáu Valskonur ekki til sólar gegn gríðarlega sterkri vörn Haukakvenna, t.a.m. skoruðu þær ekki fyrstu stigin sín í leikhlutanum fyrr en fjórar mínútur voru liðnar af leikhlutanum. Þá höfðu gestirnir gert 14 stig og tekið afgerandi forystu. Munurinn fór mest upp í 21 stig en þá bitu Valskonur frá sér og minnkuðu muninn. Staðan í hálfleik var 32:47, Haukakonum í vil.

Í þriðja leikhluta voru heimakonur grimmari og ljóst er að Ólafur Jónas, þjálfari Vals, hefur farið vel yfir málin með sínum leikmönnum í hálfleik. Þær náðu að minnka muninn niður í sjö stig þegar Kiana Johnson setti niður þriggja stiga körfu. Þá tóku Haukakonur aftur við sér og leiddu þegar leikhlutinn kláraðist, 51:64.

Það var hart barist á Hlíðarenda í kvöld. mbl.is/Kristinn Magnússon

Fjórði leikhlutinn var svipaður og sá þriðji, Valskonur reyndu að minnka muninn en Haukakonur áttu svör við öllum þeirra aðgerðum. Fór svo að Hafnfirðingarnir unnu leikinn, 70:80, og tryggðu sér þar með oddaleik í einvíginu.

Frétt af mbl.is

Við grófum okkur djúpa holu í fyrri hálfleik

Kiana Johnson var stigahæst heimakvenna með 19 stig. Hjá Haukakonum var Keira Breeanne Robinson stigahæst með 23 stig. Sólrún Inga Gísladóttir var einnig frábær í kvöld og skilaði hún 21 stigi fyrir gestina.

Valur	70:80	Haukar	Opna lýsingu Loka
99. mín. skorar
Augnablik — sæki gögn...

• Blogga um frétt