Verður áfram í Grindavík

Körfuknatt­leiks­kon­an Danielle Rodrigu­ez hef­ur skrifað und­ir nýj­an samn­ing við körfuknatt­leiks­deild Grinda­vík­ur og leik­ur því áfram með kvennaliðinu á næsta tíma­bili.

Danielle mun jafn­framt halda áfram störf­um sín­um við þjálf­un yngri flokka fé­lags­ins.

Danielle, sem verður þrítug í lok árs, var með 20 stig að meðaltali í leik hjá Grinda­vík á síðasta tíma­bili ásamt því að gefa tæp­lega sjö stoðsend­ing­ar og taka sjö frá­köst að meðaltali.. Hún var með fram­lags­stig upp á 25,2 í leik á ný­af­stöðu tíma­bili, þar sem Grinda­vík hafnaði í fimmta sæti í úr­vals­deild kvenna, Su­bway-deild­inni.

„Danielle hef­ur komið frá­bær­lega inn í körfu­bolta­sam­fé­lagið hér í Grinda­vík og það eru for­rétt­indi að fá að starfa áfram með henni á næsta keppn­is­tímb­ili. Dani er frá­bær leikmaður en ekki síst frá­bær mann­eskja.

Hún hef­ur staðið sig frá­bær­lega við þjálf­un hjá fé­lag­inu og ég veit að það er mik­il gleði í okk­ar körfu­bolta­fjöl­skyldu að Danielle verði áfram í Grinda­vík,“ sagði Ingi­berg­ur Þór Jónas­son, formaður körfuknatt­leiks­deild­ar Grinda­vík­ur, í til­kynn­ingu frá deild­inni.

• Blogga um frétt