Sacramento knúði fram oddaleik
Setja bókamerki
Sacramento Kings knúði fram oddaleik í einvígi sínu við Golden State í átta-liða úrslitum Vesturdeildar NBA-deildarinnar í körfubolta í nótt með góðum sigri á útivelli, 118:99.
Eftir að bæði lið höfðu unnið sína heimaleiki fram að fimmta leik, aðfaranótt fimmtudags, hirti Golden State heimaleikjaréttinn og gat því lokað einvíginu með sigri í nótt. Sacramento hafnaði í þriðja sæti deildarkeppni Vesturdeildar en Golden State í því sjötta.
Setti persónulegt met
Malik Monk skoraði 28 stig, tók sjö fráköst og gaf fjórar stoðsendingar fyrir Sacramento. Þá skoraði Aaron Fox 26 stig og setti persónulegt stoðsendingamet í úrslitakeppni með 11 slíkum og Keegan Murray bætti við 15 stigum og 12 fráköstum.
Stephen Curry skoraði 29 stig, gaf fimm stoðsendingar og tók fjögur fráköst fyrir heimamenn og Klay Thompson skoraði 22 stig.
Sigurvegarinn mætir Lakers
Oddaleikur liðanna fer fram í Sacramento annað kvöld. Sigurvegarinn í einvíginu mætir Los Angeles Lakers í undanúrslitum en lið Lakers tryggði sig áfram með stórsigri á Memphis Grizzlies í Los Angeles í nótt.
Tvö snjóflóð féllu í Ólafsvík
Fjölmiðlafólk rekið út
Óvissustigi aflétt á sunnanverðum Vestfjörðum
Útgerðarstarf Sigurjóns ekki í hagsmunaskrá
Mikið vatn ógnaði rafmagni og tölvukerfum
Funda í Karphúsinu
„Þú selur ekki launþega“
Tregða í verðbólgunni