Eva öflug í sterkum sigri í Ástralíu

Körfuboltakonan Eva Margrét Kristjánsdóttir átti góðan leik þegar lið hennar Keilor Thunder vann nauman útisigur, 97:94 á Sandringham Sabres í áströlsku B-deildinni í körfubolta í morgun.

Eva spilaði rúmar 28 mínútur í leiknum, skoraði 10 stig, tók 6 fráköst og gaf 1 stoðsendingu. 

Keilor Thunder situr nú í 14. sæti deildarinnar af 19 liðum. Liðið er búið að spila átta leiki, vinna þrjá og tapa fimm. Sigurinn í morgun var sætur þar sem lið Sandringham er talsvert ofar í töflunni en Keilor.

Eva er á láni hjá Keilor Thunder frá Haukum en Eva mun snúa aft­ur til Hauka þegar tíma­bilið klár­ast í Ástr­al­íu um miðjan ág­úst og spila með liðinu í úr­vals­deild kvenna á næsta tíma­bili.

• Blogga um frétt