Snæfell í úrvalsdeildina

Snæfell úr Stykkishólmi hefur fengið sæti í úrvalsdeild kvenna í körfuknattleik á næsta keppnistímabili.

ÍR, sem hafnaði í áttunda og neðsta sæti deildarinnar í vetur, átti að halda sæti sínu vegna fjölgunar úr átta liðum í tíu en hefur ákveðið að senda ekki lið sitt í deildina.

Snæfell hafnaði í þriðja sæti 1. deildar í vetur, á eftir Stjörnunni og Þór frá  Akureyri, og fylgir þeim því upp.

Snæfell lék síðast í deildinni tímabilið 2020-21 en hefur spilað í 1. deild tvö undanfarin tímabil.  Félagið varð Íslandsmeistari árin 2014, 2015 og 2016 og lék til úrslita um titilinn árið 2017.

• Blogga um frétt