„Ég var mjög ánægður fyrir hans hönd,“ sagði knattspyrnumaðurinn og fyrrverandi landsliðsmaðurinn Birkir Már Sævarsson, í Fyrsta sætinu, íþróttahlaðvarpi mbl.is og Morgunblaðsins, þegar rætt var um fyrsta Íslandsmeistaratitil Tindastóls í körfuknattleik karla.

Gerir mikið fyrir samfélagið

Birkir Már, sem er 38 ára gamall, er mikill Valsari en Pavel Ermolinskij, þjálfari Tindastóls, var í lykilhlutverki hjá Valsmönnum á síðustu leiktíð þegar liðið varð Íslandsmeistari í fyrsta sinn í 30 ár.

„Ég er mikill Pavels maður og þar sem Valur vann ekki fannst mér allt í lagi að Pavel og Sauðárkrókur gætu fagnað,“ sagði Birkir Már.

„Mér finnst alltaf gaman þegar litlir bæir út á landi vinna stóra bikara því þetta gerir svo mikið fyrir þessi samfélög,“ sagði Birkir Már meðal annars.

Hægt er að hlusta á umræðuna í heild í spil­ar­an­um hér fyr­ir ofan en þátt­ur­inn er einnig aðgengi­leg­ur á öll­um helstu hlaðvarps­veit­um.

Tengdar fréttir

Fyrsta sætið

Góðvinur Arnars varaði hann við eftir komu Gylfa

• Ósammála landsliðsþjálfaranum um Gylfa Þór
• „Ert ekki að velta því fyrir þér þegar þú færð sparkið“
• „Menn láta misgáfulega hluti út úr sér“
• „Það er ekkert vont í samanburði við það að fæða barn“

» Fleiri tengdar fréttir

• Blogga um frétt