Haukar sömdu við Finna

Körfuknatt­leiks­deild Hauka hef­ur kom­ist að sam­komu­lagi við finnska leik­mann­inn Osku Hein­on­en um að hann leiki með karlaliðinu á næsta tíma­bili.

Hein­on­en er 31 árs fram­herji sem er 194 senti­metr­ar að hæð og hef­ur leikið í heima­land­inu all­an sinn fer­il hingað til.

Lengst af hef­ur hann spilað með Tam­p­ereen Pyr­into í finnsku úr­vals­deild­inni deild þar sem hann skoraði rúm 13 stig, tók tæp þrjú frá­köst og gaf eina stoðsend­ingu að meðaltali á síðasta tíma­bili.

Þá var Hein­on­en með 40 pró­sent skot­nýt­ingu fyr­ir utan þriggja stiga lín­una, enda þykir hann lunk­inn skot­maður.

„Hein­on­en var fyr­irliði Tam­p­ere á síðustu leiktíð og því ljóst að Hauk­ar eru ekki bara að fá til sín sterk­an leik­mann held­ur einnig mik­inn leiðtoga.

Þá spilaði hann fyr­ir yngri landslið Finn­lands og á að baki 95 leiki fyr­ir U16, U18 og U20. Hauk­ar bjóða Osku vel­kom­inn í Hafn­ar­fjörðinn og hlakka til sam­starfs­ins með hon­um,“ sagði meðal ann­ars í til­kynn­ingu frá körfuknatt­leiks­deild Hauka.     

• Blogga um frétt