Leikmaður Njarðvíkur dæmdur fyrir heimilisofbeldi
Setja bókamerki
Bandaríkjakonan Tynice Martin, einn af nýjum leikmönnum Njarðvíkur í körfuknattleik fyrir komandi tímabil, var árið 2019 dæmd í eins árs skilorðsbundið fangelsi fyrir heimilisofbeldi.
Martin er 26 ára bakvörður sem kom frá ViVe í Finnlandi, þar sem hún skoraði 19,5 stig að meðaltali í leik á síðasta tímabili.
Hún var valin af Los Angeles Sparks í leikmannavali WNBA-deildarinnar árið 2020 en lék áður með háskólaliði West Virginia.
West Virgina Metro News greindi frá því í nóvember árið 2019 að þegar Martin var leikmaður háskólaliðs West Virginia hafi lögregla verið kölluð til að heimili fyrrverandi kærustu hennar þann 15. júlí árið 2019, vegna gruns um heimilisofbeldi.
Martin var handtekin þann 2. ágúst og leiddi rannsókn á málinu í ljós að hún hafi gengið inn á heimili fyrrverandi kærustu sinnar í Morgantown í Vestur-Virginíuríki og togað í hár hennar.
Martin hafi svo ásamt annarri konu ýtt fórnarlambinu á hurð og lamið hana, tekið hálstaki og hrint.
Hún var í nóvember árið 2019 dæmd í eins árs skilorðsbundið fangelsi fyrir líkamsárás.
Mikið vatn ógnaði rafmagni og tölvukerfum
Ráðherrar eigi ekki að ýja að ítökum innan lögreglu
Er bókin ónothæf eða góð yfirferð?
Tregða í verðbólgunni
Óvissustigi aflétt á sunnanverðum Vestfjörðum
Litla stelpan með perlurnar