Þreföld tvenna í risasigri Philadelphia á Lakers
Setja bókamerki
Philadelphia 76ers lenti ekki í nokkrum vandræðum með LA Lakers þegar liðin áttust við í NBA-deildinni í körfuknattleik í nótt. Urðu lokatölur 138:94.
Joel Embiid, Kamerúninn sem hefur ákveðið að leika fyrir bandaríska landsliðið á Ólympíuleikunum næsta sumar, fór á kostum fyrir Philadelphia og náði þrefaldri tvennu.
Skoraði hann 30 stig, tók 11 fráköst og gaf 11 stoðsendingar. Stigahæstur í leiknum var hins vegar liðsfélagi Embiids, Tyrese Maxey, sem skoraði 31 stig og gaf átta stoðsendingar.
Reynsluboltinn LeBron James var stigahæstur í liði Lakers með 18 stig og fimm stoðsendingar.
NBA-meistarar Denver Nuggets létu ekki fjarveru stórstjörnu sinnar, Nikola Jokic, á sig fá og lögðu LA Clippers að velli, 113:104.
Jókerinn var að glíma við smávægileg meiðsli en í fjarveru hans fór Reggie Jackson á kostum og skoraði 35 stig ásamt því að taka 13 fráköst.
DeAndre Jordan bætti við 21 stigi og tók 13 fráköst.
Stigahæstur í liði Clippers var Kawhi Leonard með 31 stig og átta fráköst. Ivica Zubac bætti við 23 stigum og tók 14 fráköst.
Öll úrslit næturinnar:
Philadelphia – LA Lakers 138:94
LA Clippers – Denver 104:113
Detroit – Washington 107:126
Indiana – Portland 110:114
Utah – New Orleans 114:112
Viljum hvorki vera Danir né Bandaríkjamenn
Vonast til að menn sjái alvöru málsins
„Þetta er ógnvænleg staða“
„Ég hef verið kjaftaskur mikill“
Ætla ekki að skila peningnum
Ekki of seint að fá inflúensusprautuna