Sonur LeBrons fær grænt ljós
Setja bókamerki
Bronny James, sonur körfuboltagoðsagnarinnar LeBron James, hefur fengið grænt ljós frá læknum til að hefja æfingar og keppni að nýju eftir að hafa farið í hjartastopp á æfingu með körfuboltaliði sínu, háskólaliði South Carolina-skólans, í júlí síðastliðnum.
Bronny hefur undanfarið tekið þátt í upphitunum með liði South Carolina en ekki mátt beita sér af fullum krafti á æfingum. Það sér hins vegar fyrir endann á því.
/frimg/1/42/94/1429442.jpg)
Í yfirlýsingu frá talsmanni James-fjölskyldunnar segir að Bronny hefji æfingar á ný í næstu viku og mæti aftur til keppni skömmu eftir það.
„Bronny James hefur fengið grænt ljós frá læknum sínum til þess að hefja körfuknattleiksiðkun af fullum krafti á ný. Bronny mun gangast undir lokaskoðanir hjá starfsmönnum South Carolina–háskóla í þessari viku, snúa aftur til æfinga í þeirri næstu og hefja keppni að nýju stuttu síðar.
James-fjölskyldan vill koma á framfæri þökkum til ótrúlegs læknateymis hans, öllu samfélagi South Carolina-háskólans og sérstaklega hinum mikla fjölda vina, fjölskyldu og aðdáenda fyrir ást sína og stuðning. Höldum áfram að berjast!“ sagði í yfirlýsingunni.
Ekki of seint að fá inflúensusprautuna
Ólíklegt að ein eldstöð hafi áhrif á aðrar
Ráðast í átak eftir smitið á Mánagarði
Þykir gott að flóðin féllu
Vara við svindli í Zagreb
Styrkveiting í trássi við lög
Trump tekinn við sem forseti Bandaríkjanna
Óvenjuleg virkni sem getur leitt til eldgoss