Leggur skóna á hilluna

Körfu­boltamaður­inn Danero Thom­as hef­ur ákveðið að leggja skóna á hill­una. Á fyrri hluta þessa tíma­bils hef­ur hann leikið með nýliðum Ham­ars og lék sinn síðasta leik með liðinu, og á ferl­in­um, í gær­kvöldi.

„Já, það er satt. Síðasti leik­ur minn með þeim var í gær,“ sagði Danero í stuttu sam­tali við mbl.is.

Frétt af mbl.is

Stór­sig­ur Tinda­stóls í Hvera­gerði

Ham­ar tapaði þá 81:106 á heima­velli fyr­ir Íslands­meist­ur­um Tinda­stóls, sem var ell­efti tap­leik­ur nýliðanna frá Hvera­gerði í jafn­mörg­um leikj­um.

Hann hef­ur leikið hér á landi um langt ára­bil með fjölda liða og samdi við Ham­ar fyr­ir yf­ir­stand­andi tíma­bil en læt­ur nú gott heita.

Fékk tæki­færi til þess að þjálfa

„Ég læt staðar numið héðan af. Ég fékk tæki­færi til þess að þjálfa í 1. deild,“ bætti Danero við en kvaðst ekki mega segja frá því hvaða lið um ræðir að svo stöddu.

Hann er 37 ára gam­all, fædd­ur í New Or­le­ans í Banda­ríkj­un­um og fékk ís­lensk­an rík­is­borg­ara­rétt árið 2018. Lék Danero sinn fyrsta lands­leik fyr­ir Íslands hönd í sept­em­ber sama ár.

Á ferli sín­um á Íslandi lék hann alls þris­var sinn­um fyr­ir Ham­ar ásamt því að spila fyr­ir Breiðablik, ÍR, Tinda­stól, Þór frá Ak­ur­eyri, Fjölni, Val og KR.

• Blogga um frétt