Íþróttir | Körfubolti | mbl | 18.12.2023 | 9:56 | Uppfært 11:08

Tröllatvenna gríska undursins

Giannis Antetokounmpo eftir leikinn í nótt.
Giannis Antetokounmpo eftir leikinn í nótt. AFP/Stacy Revere

Grikkinn Giannis Antetokounmpo lék frábærlega fyrir Milwaukee Bucks þegar liðið hafði betur gegn Houston Rockets, 128:119, í NBA-deildinni í körfuknattleik í nótt.

Gríska undrið var með tröllatvennu þegar hann skoraði 26 stig og tók 17 fráköst.

Antetokounmpo er nú orðinn stigahæsti leikmaður í sögu liðsins þar sem hann komst upp fyrir goðsögnina Kareem Abdul-Jabbar á þeim lista í nótt.

Senunni stal hins vegar liðsfélagi Grikkjans, Damian Lillard. Hann var langstigahæstur í leiknum með 39 stig og gaf auk þess 11 stoðsendingar.

Milwaukee hefur unnið 19 af 26 leikjum sínum í NBA-deildinni á tímabilinu.

Boston Celtics lenti ekki í miklum vandræðum með Orlando Magic og vann 114:97.

Jaylen Brown var stigahæstur í liði Boston með 31 stig og tók hann auk þess fimm fráköst og gaf sex stoðsendingar.

Stigahæstur í leiknum var hins vegar Paolo Banchero, sem skoraði 36 stig og tók tíu fráköst fyrir Orlando.

Öll úrslit næturinnar:

Milwaukee – Houston 128:119

Boston – Orlando 114:97

San Antonio – New Orleans 110:146

Phoenix – Washington 112:108

Portland – Golden State 114:118

mbl.is
Fleira áhugavert
E.coli baktería greindist í neysluvatni Hringvegurinn settur á óvissustig Orðið lúxusvandamál að velja lögin Jörðin hvorki flöt né kringlótt
Fleira áhugavert
E.coli baktería greindist í neysluvatni „Aldrei tekist áður í heiminum“ Gullhúðun stöðvar Hvammsvirkjun Hundurinn fékk sviðsskrekk
Loka