Njarðvík valtaði yfir meistarana

Njarðvík fór illa með Íslands­meist­ara Vals er liðin mætt­ust í fyrsta skipti í átta liða úr­slit­um Íslands­móts kvenna í körfu­bolta í kvöld.

Njarðvík­ing­ar voru með 18:17 for­skot eft­ir fyrsta leik­hluta og stungu svo af. Staðan í hálfleik var 51:29 og 76:38 fyr­ir fjórða og síðasta leik­hlut­ann.

Hann reynd­ist forms­atriði fyr­ir Njarðvík­inga sem unnu ein­stak­lega sann­fær­andi sig­ur.

Selena Lott skoraði 26 stig, tók 10 frá­köst og gaf 10 stoðsend­ing­ar fyr­ir Njarðvík. Isa­bella Ósk Sig­urðardótt­ir og Em­ilie Hesseldal gerðu 14 stig hvor.

Ey­dís Eva Þóris­dótt­ir skoraði 14 fyr­ir Val. Téa Adams skoraði 12.

Njarðvík	96:58	Val­ur	Opna lýs­ingu Loka
99. mín. skor­ar
mín. 40 Leik lokið Ótrúlegir yfirburðir hjá Njarðvíkingum í kvöld. 36 87:49 - Hulda María Agnarsdóttir með tvö víti niður og nú er staðan í fjórða leikhlutanum 11:11. 33 80:46 - Valur að vinna þennan fjórða leikhluta 8:4. Njarðvíkingar hafa ekki miklar áhyggjur af því. 31 76:41 - Eydís Eva Þórisdóttir með þrist. Fyrstu stig fjórða leikhlutans eru gestanna. 31 Fjórði leikhluti hafinn 30 Þriðja leikhluta lokið 76:38 - Valskonur vöknuðu örlítið undir lok leikhlutans eftir þessa martröð í byrjun hans. Fyrir löngu orðið ljóst hvort liðið vinnur í kvöld, aðeins spurning um hve stór sigurinn verður. 28 74:31 - Ásta Júlía skorar undir körfunni. Fyrstu stig Vals í leikhlutanum. 26 74:29 - Munurinn 45 stig og staðan í þriðja leikhluta 23:0. Þetta er meiri vitleysan. 25 67:29 - Þetta eru eiginlega fáránlegar tölur. Njarðvík með 16 fyrstu stigin í seinni hálfleik og munurinn er 38 stig. Þvílíka rústið og hrun hjá þessu öfluga Valsliði. Njarðvík að spila glæsilega. 22 58:29 - Njarðvík með sjö fyrstu stig seinni hálfleiks og munurinn 29 stig. Þetta er burst. 21 Síðari hálfleikur hafinn 20 Hálfleikur 51:29 - Gríðarlegir yfirburðir hjá Njarðvík í öðrum leikhluta og munurinn 22 stig í hálfleik. Valskonur þurfa leik lífs síns í seinni hálfleik til að eiga möguleika. 18 46:26 - Jana Falsdóttir með körfu og munurinn orðinn 20 stig. Það munaði einu stigi á liðunum eftir fyrsta leikhluta, en Njarðvíkingar verið óstöðvandi í öðrum leikhluta. 15 37:21 - Njarðvík heldur bara áfram að gefa í. Staðan í öðrum leikhluta er 19:4. 14 33:18 - Staðan í öðrum leikhluta er 13:1. Njarðvík að keyra yfir Valskonur. 13 28:18 - Lott með þrist og munurinn tíu stig! Selena Lott er að fara á kostum, komin með 15 stig. 12 25:17 - Lott með körfu og víti að auki sem fer ofan í. Munurinn orðinn átta stig og Njarðvík í góðum málum. 12 22:17 - Njarðvíkingar byrja betur í öðrum leikhlutanum og ná aftur fimm stiga forskotinu sem liðið náði undir lok fyrsta leikhlutans. 11 Annar leikhluti hafinn 10 Fyrsta leikhluta lokið 18:17 - Téa Adams með fjögur snögg stig í röð og minnkar þetta í eitt stig, sem er munurinn eftir fyrsta leikhluta. Það stefnir allt í hörkuleik í Njarðvík. 9 18:13 - Selena Lott með galopin þrist. Á ekki í vandræðum með að setja þetta niður. Njarðvík í fínum málum í upphafi leiks. 7 13:12 - Danska landsliðskonan Emilie Hesseldal skorar og kemur Njarðvík yfir. Mikið jafnræði í Ljónagryfjunni til þessa. 4 6:10 - Flott byrjun hjá Val. Ásta Júlía Grímsdóttir með fjögur snögg stig. Valur ríkjandi meistari, en átt aðeins erfitt tímabil. Úrslitakeppnin er nýtt mót. 3 6:5 - Adams kemur Val yfir með þrist, en Lott svarar hinum megin. Þær fara vel af stað. 1 2:2 - Selena Lott kemur Njarðvík yfir en Téa Adams jafnar fyrir Val. Fyrstu stig leiksins. 1 Leikur hafinn Valur vinnur uppkastið og byrjar með boltann. 0 Valur hefur unnið fimm leiki af síðustu sex, en Valur var í B-deildinni þegar úrvalsdeildinni var skipt og mætti því þeim þremur liðum sem enduðu með fæst stig í síðustu leikjum sínum. 0 Njarðvík hefur verið í basli undanfarnar vikur og tapað sex leikjum af síðustu átta í öllum keppnum. 0 Njarðvík vann báða leiki liðanna í deildarkeppninni í vetur. Fyrst gerði Njarðvík góða ferð á Hlíðarenda í nóvember og vann 75:53. Njarðvík vann svo 79:67-heimasigur í viðureign liðanna í lok janúar. 0 Njarðvík endaði í þriðja sæti deildarinnar og Valur því sjötta. 0 Gott kvöld og verið velkomin með mbl.is í beina textalýsingu frá fyrsta leik Njarðvíkur og Vals í átta liða úrslitum Íslandsmóts kvenna í körfubolta. Sjá meira Sjá allt Dómarar: Lýsandi: Jóhann Ingi Hafþórsson Völlur: Ljónagryfjan, Njarðvík

• Blogga um frétt