Los Angeles Clippers náði forystunni í einvígi sínu gegn Dallas Mavericks, 109:97, í úrslitakeppni NBA-deildarinnar í körfubolta karla í Los Angeles í kvöld.
Clippers er þar með komið yfir, 1:0, en liðið vann þrátt fyrir að stjarna liðsins, Kawhi Leonard, hafi verið fjarverandi vegna meiðsla.
James Harden steig upp í fjarveru Kawhi og skoraði 28 stig, tók tvö fráköst og gaf átta stoðsendingar. Hjá Dallas var Luka Doncic atkvæðamestur með 33 stig, 13 fráköst og sex stoðsendingar.