Miami Heat vann óvæntan sigur á Boston Celtics, 111:101, í öðrum leik liðanna í úrslitakeppni bandarísku NBA-deildarinnar í körfubolta karla í Boston í nótt.
Miami jafnaði þar með einvígið, 1:1, en Boston vann fyrsta leikinn.
Besti leikmaður Miami Heat, Jimmy Butler, verður fjarverandi allt einvígið en hann fór á kostum fyrir Miami gegn Boston í einvígi liðanna í úrslitum austurdeildarinnar í fyrra sem Miami vann 4:3.
Þá fyllti Tyler Herro í hans skarð í nótt en Miami-maðurinn var með 24 stig, fimm fráköst og 14 stoðsendingar. Hjá Boston skoraði Jaylen Brown 33 stig.
Næstu tveir leikir liðanna fara fram í Boston.
Oklahoma City Thunder, sem hafnaði í fyrsta sæti vesturdeildarinnar, vann sinn annan leik gegn New Orleans Pelicans, 124:92, í Oklahoma í nótt.
Oklahoma er þar með komið með 2:0-forystu en Shai Gilgeous-Alexander fór enn einu sinni fyrir sínum mönnum með 33 stig, þrjú fráköst og fimm stoðsendingar.
Hjá New Orleans skoraði Jonas Valanciunas 19 stig.
Næstu tveir leikir liðanna fara fram í New Orleans.