Körfuknattleiksmaðurinn DeAndre Kane hefur skrifað undir nýjan samning við Grindavík.
Kane skrifaði undir samninginn upp á sviði á lokahófi Grindavíkur í kvöld en svo greinir Vísir frá.
Kane gekk í raðir Grindavíkur fyrir nýliðið tímabil en hann var lykilmaður í liðinu fór alla leið í oddaleik í úrslitaeinvígi Íslandsmótsins gegn Val og tapaði naumlega, 80:73.
Kane hefur spilað í mörgum af sterkari deildum Evrópu. Þá varð hann tvívegis meistari í Ísrael með Maccabi Tel Aviv.