Fyrrverandi körfuknattleiksmaðurinn Darius Morris, sem lék til að mynda með LA Lakers í NBA-deildinni, lést af völdum hjartasjúkdóms. Áfengis- og eiturlyfjanotkun Morris höfðu einnig áhrif.
Morris fannst látinn í nágrenni Los Angeles í byrjun síðasta mánaðar og var dánarorsök þá ekki gefin upp.
Krufning leiddi í ljós að hann glímdi við kransæðasjúkdóm og að etanól (alkóhól), kókaín og hýdrókódón sem fannst í blóði Morris hafi haft stór áhrif á að hann lést.
Auk þess að spila með Lakers lék Morris með Philadelphia 76ers, LA Clippers, Memphis Grizzlies og Brooklyn Nets, alls 132 leiki í NBA.