„Hvaðan er allt þetta fólk eiginlega að koma?“
Setja bókamerki
„Það voru 50 mínútur í leik og svo var byrjað að hleypa inn í húsið,“ sagði körfuknattleikskonan Birna Valgerður Benónýsdóttir í Dagmálum.
Birna, sem er 23 ára gömul, varð Íslandsmeistari með uppeldisfélagi sínu Keflavík á dögunum eftir öruggan sigur gegn Njarðvík í úrslitaeinvígi Íslandsmótsins, 3:0.
Mikið af tilfinningum
Það var mikil stemning í úrslitaeinvígi Íslandsmótsins og var fullt út úr dyrum í íþróttahúsinu í Keflavík í þriðja leik liðsins gegn Njarðvík þar sem Íslandsmeistarabikarinn fór á loft.
„Það fylltist allt af fólki og maður hugsaði með sér: Hvaðan er allt þetta fólk eiginlega að koma?“ sagði Birna.
„Það var mikið af tilfinningum í gangi hjá mér og ég á satt best að segja erfitt með að greina það nákvæmlega hvernig mér leið,“ sagði Birna en hún missti af úrslitaeinvíginu eftir að hafa slitið krossband gegn Stjörnunni í undanúrslitum Íslandsmótsins.
„Ég get ekki einu sinni sett það í orð hversu mikið mig langaði að vera inni á vellinum,“ sagði Birna meðal annars.
Viðtalið við Birnu í heild sinni má nálgast með því að smella hér eða á hlekkinn hér fyrir ofan.
Landsréttur um Heiðar: „Á sér engar málsbætur“
Móðir Dagbjartar: Mjög skýr, klár og ákveðin kona
Stöðugt molnar úr hnjúknum á hæl Íslands
Óþarflega illa talað um veðrið
Dó næstum því áður en allt byrjaði
/frimg/1/35/4/1350480.jpg)
Covid-19 aftur á skrið
Málatilbúnaður stóðst ekki skýrleikakröfur
Ófyrirséð innherjasvik á markaði