Grindavík hefur samið við bandaríska körfuknattleiksmanninn Devon Thomas fyrir komandi leiktíð í úrvalsdeildinni.
Thomas er 29 ára gamall bakvörður sem kemur frá Nantes í Frakklandi. Þar var hann með 13 stig, 2 fráköst og 4 stoðsendingar að meðaltali á leik. Thomas hefur leikið víða í Evrópu en hann hefur meðal annars spilað í Finnlandi, Króatíu og Þýskalandi.
Grindavík fór alla leið í úrslitin í úrslitakeppninni á síðasta tímabili en tapaði gegn Val í oddaleik á Hlíðarenda.