Almar og Tómas í úrvalsliðinu

Almar Orri Atlason og Tómas Valur Þrastarson eru báðir hluti af fimm manna úrvalsliði Norðurlandamóts U20 ára í körfuknattleik sem var tilkynnt eftir að Ísland tryggði sér titilinn í dag.

Íslenska liðið vann alla fjóra leiki sína og fóru bæði Almar Orri og Tómas Valur mikinn.

Frétt af mbl.is

Almar Orri fór á kostum í sigri Íslands

Almar Orri var með 28 stig, sex fráköst, tvær stoðsendingar og einn stolinn bolta að meðaltali í leik á mótinu.

Tómas Valur, sem lék ekki í sigrinum á Finnlandi í dag, var með 19 stig, sjö fráköst og eina stoðsendingu að meðaltali í leik.

• Blogga um frétt