Eigendur NBA meistara Boston Celtics, Boston Basketball Partners LLC, hafa sett félagið á sölu. Celtics vann nýverið annan titil sinn undir núverandi eignarhaldi.
Phoenix Suns er síðasta NBA lið sem skipti um eigendur en Mat Ishbia keypti liðið, ásamt kvennaliðinu Phoenix Mercury, á fjóra milljarða Bandaríkjadala í fyrra. Sjónvarpssamningar deildarinnar eru til sölu í ár og búist er við að verðið á þeim verði 2,5 milljarðar dala á ári.
Það virðist því vera góð tímasetning að selja fyrir Wyc Grousbeck, stjórnarformann og leiðtoga eigendahópsins en Boston Celtics er sigursælasta lið í sögu NBA með átján meistaratitla í bikarskápnum.
Jayson Tatum skrifaði í gær undir stærsta leikmannasamning í sögu NBA en hann er ein af stærstu stjörnum liðsins.
A statement from the Boston Celtics pic.twitter.com/DqArzkGnR5
— Boston Celtics (@celtics) July 1, 2024