„Er búin að láta hann heyra það nokkrum sinnum“
Setja bókamerki
„Þeir eru mjög ólíkar týpur og Hörður er líka geggjaður,“ sagði körfuknattleikskonan Birna Valgerður Benónýsdóttir í Dagmálum.
Birna, sem er 23 ára gömul, varð Íslandsmeistari með uppeldisfélagi sínu Keflavík á dögunum eftir öruggan sigur gegn Njarðvík í úrslitaeinvígi Íslandsmótsins, 3:0.
Vildi ekki hrósa honum of mikið
Sverrir Þór Sverrisson stýrði Keflavík til sigurs á Íslandsmótinu í ár en landsliðsmaðurinn Hörður Axel Vilhjálmsson stýrði Keflavíkurliðinu á síðustu leiktíð þar sem liðið varð deildarmeistari og endaði í öðru sæti Íslandsmótsins og bikarkeppninnar.
„Ég ætla ekki að hrósa honum of mikið, ef ske kynni að hann skildi horfa á þetta,“ sagði Birna og hló.
„Sverrir vinnur mikið í andlega þættinum á meðan Hörður er mikið að pæla í körfuboltanum. Við nýttum okkur klárlega það sem við lærðum af Herði á þessu tímabili.
Ég er búin að láta hann heyra það nokkrum sinnum fyrir að hafa hætt að þjálfa okkur,“ sagði Birna meðal annars.
Viðtalið við Birnu í heild sinni má nálgast með því að smella hér eða á hlekkinn hér fyrir ofan.
Verja fjölskylduna vopnaðir hríðskotabyssum
„Ekkert fullorðið fólk myndi sætta sig við þetta“
Þyngra en tárum taki
Stórmerkilegar kosningar að baki og Farage á þing
Hringja í gamla „bólfélaga“ og opna Kiki á ný
Skjálftahrina sem mun fjara út
Tappar verða framvegis fastir á öllum fernum
Hækkar um allt að 9,5 metra