Fá bandarískan liðsauka frá Frakklandi

Haukar hafa fengið til liðs við sig bandaríska körfuknattleiksmanninn Tyson Jolly og samið við hann um að spila með þeim í úrvalsdeildinni næsta vetur.

Jolly er 26 ára gamall hávaxinn bakvörður, sem leikur bæði sem leikstjórnandi og skotbakvörður. Hann kemur til Hauka frá franska C-deildarliðinu Avignon/Pontet þar sem hann var með um 14 stig og þrjú fráköst að meðaltali í leik síðasta vetur.

Áður lék hann með Iona-háskólanum í Bandaríkjunum og var einn af bestu leikmönnum í sinni deild.

• Blogga um frétt