Valur fær leikmann frá Ítalíu

Alyssa Cerino, kanadísk körfuknattleikskona með ítalskt vegabréf, er gengin til liðs við Valskonur og leikur með þeim næsta vetur.'

Alyssa er 27 ára framherji, 1,84 m á hæð, og lék með Scrivia í ítölsku B-deildinni í vetur en þar var hún með 14 stig og 13 fráköst að meðaltali í leik. Hún lék með háskólaliði Carleton Ravens í Kanada áður en hún fór í atvinnumennsku.

Kanadamaðurinn Jamil Abiad tók við þjálfun Valsliðsins í sumar og þekkir vel til nýja leikmannsins. Á miðlum Vals segir Jamil að hún sé mjög fjölhægur leikmaður og smellpassi inn í þann körfubolta sem hann vilji að liðið spili.

• Blogga um frétt