Jón Axel Guðmundsson, landsliðsmaður í körfubolta, hefur fært sig um set á Spáni og gengið til liðs við San Pablo Burgos.
Jón gengur til liðs við félagið frá Alicante en bæði lið leika í næstefstu deild Spánar.
Jón Axel átti gott tímabil á síðustu leiktíð með Alicante og skoraði tólf stig að meðaltali. Hann er 27 ára gamall bakvörður frá Grindavík sem hefur áður leikið með Frankfurt og Crailsheim í Þýskalandi, Bologna og Pesaro á Ítalíu.
San Pablo Burgos leikur í Burgos sem er 175 þúsund manna borg, um 250 km norður af Madríd.