Hávaxnir fánaberar í París
Setja bókamerki
Tveir af þekktustu körfuboltamönnum heims munu taka þátt í setningarathöfn Ólympíuleikanna í París á föstudagskvöldið með því að bera fána sinna þjóða inn á ólympíusvæðið á bökkum árinnar Signu.
LeBron James, leikmaður Los Angeles Lakers í NBA-deildinni, sem verður fertugur fyrir áramótin, verður annar fánabera bandaríska ólympíuliðsins en tilkynnt verður á morgun hvaða íþróttakona verður hinn fánaberi þjóðarinnar.
„Þetta er ótrúlegur heiður. Íþróttir hafa kraftinn til að sameina okkur öll og ég er stoltur af því að taka þátt í þessari mikilvægu athöfn," sagði LeBron í fréttatilkynningu frá bandaríska ólympíusambandinu.
Giannis Antetokounmpo, leikmaður Milwaukee Bucks og einn af bestu leikmönnum NBA-deildarinnar, verður annar fánabera Grikklands. Hann hefur tvisvar verið valinn besti leikmaður deildarinnar og varð meistari með Milwaukee árið 2021.
Kapparnir tveir eru með hávaxnari mönnum og ættu því að verða áberandi í athöfninni en Giannis er 2,11 metrar á hæð og LeBron 2,06 metrar.
Foreldrar skilja ekki einkunnir barna sinna
Fossvogslaug ekki í áætlunum Kópavogs
Kæru vættir, færið okkur logn!
Fiskifýluna lagði yfir völlinn
Mega gefa einkunnir í tölum, bókstöfum og litum
Segja KÍ hafa leitt skólakerfið í öngstræti
Biden dregur framboð sitt til baka
„Það er stutt á milli stórra atburða“