Jóhann Árni Ólafsson mun ekki stýra karlaliði Hattar í körfubolta ásamt Viðari Erni Hafsteinssyni á næsta tímabili.
Frá þessu greinir félagið á samfélagsmiðlum en Jóhann Árni var tilkynntur hjá félaginu fyrir einum og hálfum mánuði og átti að hefja störf í ágúst.
Jóhann Árni átti einnig að taka við sem yfirþjálfari yngri flokka en hefur hætt af persónulegum ástæðum.
Höttur segir það vera mikil vonbrigði en að félagið er strax farið í leit að nýjum meðþjálfara.
Hann var áður aðstoðarþjálfari silfurliðs Grindavíkur.