Körfuknattleiksmaðurinn Ólafur Ólafsson hefur skrifað undir nýjan tveggja ára samning við Grindavík.
Ólafur er fyrirliði liðsins og bróðir Jóhanns Þórs Ólafssonar, þjálfara liðsins.
Fyrirliðinn verður 34 ára gamall seinna á árinu en hann er uppalinn hjá Grindavík og hefur leikið þar allan sinn feril á Íslandi.
Grindavík hafnaði í öðru sæti á Íslandsmótinu í vor og er Ólafur staðráðinn í að skila titilinum heim, eða svo kemur fram í tilkynningu félagsins.