Íslensku strákarnir í tólfta sæti

Íslenska karlalandsliðið í körfubolta skipað leikmönnum 18 ára og yngri hafnaði í 12. sæti í B-deild Evrópumótsins í Skopje í Norður-Makedóníu.

Ísland tapaði fyrir Írlandi, 83:62, í leiknum um 11. sætið í dag. Írska liðið var með 43:30 forskot í hálfleik og tókst Íslandi ekki að jafna í seinni hálfleik.

Magni Thor Grissom, sem á íslenska móður og bandarískan föður, skoraði 16 stig fyrir Ísland. Viktor Jónas Lúðvíksson og Birkir Eyþórsson komu næstir með níu stig hvor.

• Blogga um frétt