Pólska bakvörðurinn Katarzyna Trzeciak er gengin til liðs við Grindavík í úrvalsdeild kvenna í körfubolta.
Trzeciak er 32 ára og skrifaði undir samning út tímabilið en hún kemur til liðsins frá Stjörnunni en hún var í lykilhlutverki þar og liðið komst alla leið í undanúrslit en töpuðu gegn Keflavík.
Hún skoraði rúm 16 stig, tók sex fráköst og er öflugur varnarmaður en hún stal að meðaltali tveimur boltum í leik.
Trzeciak er reynslumikill leikmaður og hefur spilað með pólska landsliðinu og leikið sem atvinnumaður bæði í heimalandi sínu og í Þýskalandi. Árið 2022 varð hún þýskur meistari með Herner.