Körfuknattleiksmaðurinn Kevin Durant, ólympíumeistari með bandaríska landsliðinu og leikmaður Phoenix Suns í NBA-deildinni, hefur eignast hlut í franska knattspyrnufélaginu París Saint-Germain.
ESPN greinir frá því að Durant hafi varið nokkrum milljónum bandaríkjadala til þess að gerast minnihlutaeigandi í félaginu.
Bandaríkjamaðurinn fjárfesti í félaginu í gegnum Arctos Sports Partners, sem er bandarískur fjárfestingasjóður sem á 12,5 prósenta hlut í PSG.