Íslenska U16 ára kvennalandsliðið hafði betur gegn jafnöldrum sínum frá Úkraínu, 65:43, í B-deild Evrópumótsins í körfubolta í Konya í Tyrklandi í dag.
Ísland mun því keppa við Bosníu eða Búlgaríu um 13. sætið á mótinu.
Íslenska liðið fór vel af stað og var átta stigum yfir í hálfleik, 32:24. Þriðji leikhluti Íslands var hins vegar frábær og vann liðið hann með 18 stigum, 24:6.
Sara Björk Logadóttir skoraði 18 stig, tók þrjú fráköst og gaf tvær stoðsendingar. Þá skoraði Rebekka Rut Steingrímsdóttir 15 stig fyrir Ísland, tók fimm fráköst og gaf fjórar stoðsendingar.