Bandaríski körfuknattleiksmaðurinn Marreon Jackson er genginn til liðs við Þór í Þorlákshöfn.
Þetta tilkynnti félagið á samfélagsmiðlum sínum en Jackson, sem er 25 ára gamall, lék síðast með Lavrio í Grikklandi.
Hann hefur einnig leikið í Tyrklandi, Rúmeníu og Eistlandi á atvinnumannaferlinum.
„Við bjóðum Marreon hjartanlega velkominn í Hamingjuna og hlökkum til að sjá hann sýna listir sínar á parketinu í Bónusdeildinni,“ segir meðal annars í tilkynningu Þórsara.