Körfuknattleiksdeild Njarðvíkur hefur samið við tvo leikmenn um að leika með karlaliðinu á komandi tímabili, þá Alexander Smára Hauksson og Isaiah Coddon.
Alexander Smári er tvítugur bakvörður sem hefur spilað fyrir yngri landslið Íslands. Hann lék síðast með Asker Aliens í norsku úrvalsdeildinni og þar áður í bandaríska háskólaboltanum.
Bakvörðurinn Coddon er 28 ára Bandaríkjamaður með íslenskt ríkisfang. Hann hefur áður leikið með Skallagrími, Haukum og nú síðast Álftanesi hér á landi.