Landsliðsmaðurinn Martin Hermannsson lék vel fyrir þýska liðið Alba Berlín er það mátti þola tap, 78:71, á heimavelli gegn Fenerbahce frá Tyrklandi í Evrópudeildinni í körfubolta í kvöld, sterkustu keppni álfunnar.
Martin skoraði 13 stig og var stigahæstur í sínu liði ásamt Matteo Spagnolo. Þá tók Martin tvö fráköst og gaf fimm stoðsendingar sömuleiðis.
Alba er í 17. sæti af 18 liðum með einn sigur og þrjú töp í fyrstu fjórum leikjunum.