Körfuknattleiksmaðurinn Tyler Herro, leikmaður Miami Heat, gat ekki klárað sjónvarpsviðtal sem hann fór í eftir leik gegn San Antonio Spurs á undirbúningstímabili NBA-deildarinnar í gær af heldur óvenjulegri ástæðu.
Herro, sem skoraði 14 stig í 120:117-sigri Heat á Spurs, var að ræða við Kelly Saco hjá Bally Sports Sun þegar hann missti alfarið einbeitinguna við að sjá slagsmál í áhorfendastúkunni.
Var viðtalinu þá sjálfhætt en Herro hafði gaman af þessari óvæntu uppákomu. Myndskeið af því þegar viðtalinu lýkur snögglega má sjá hér:
Tyler Herro got distracted by a fight in the stands 😂 pic.twitter.com/65UhkRP8Cs
— Bally Sports Sun: HEAT (@BallyHEAT) October 16, 2024