Fyrirliðinn Kolbrún María Ármannsdóttir fór mikinn fyrir Stjörnuna þegar liðið heimsótti Aþenu í 4. umferð úrvalsdeildar kvenna í körfuknattleik í Austurberg í Breiðholti í kvöld.
Leiknum lauk með naumum sigri Stjörnunnar, 87:81, en Kolbrún María skoraði 24 stig, tók sex fráköst og gaf fimm stoðsendingar í leiknum.
Stjarnan fer með sigrinum upp í 6. sæti deildarinnar í 4 stig en liðið hafði aðeins unnið einn leik á tímabilinu fyrir leik kvöldsins, gegn Íslandsmeisturum Keflavíkur í 1. umferðinni. Aþena er með 2 stig í 9. sætinu en eftir sigur gegn Tindastól í 1. umferðinni hefur liðið nú tapað þremur leikjum í röð.
Stjarnan var með frumkvæðið allan leikinn og leiddi með fjórum stigum eftir fyrsta leikhluta, 20:16. Aþena skoraði 21 stig gegn 20 stigum Stjörnunnar í öðrum leikhluta og var staðan 40:37, Stjörnunni í vil, í hálfleik.
Stjarnan var sterkari aðilinn í þriðja leikhluta og leiddi með sjö stigum að honum loknum, 61:54. Aþenu tókst að minka forskot Stjörnunnar í fjögur stig þegar hálf mínúta var til leiksloka en lengra komst hún ekki og Stjarnan fagnaði sigri.
Denia Davis-Stewart skoraði 23 stig fyrir Stjörnuna og tók sautján fráköst en Dzana Crnac var stigahæst hjá Aþenu með 22 stig, fjögur fráköst og fjórar stoðsendingar.
Austurberg, Bónus deild kvenna, 22. október 2024.
Gangur leiksins:: 4:3, 4:12, 8:16, 16:20, 18:22, 27:32, 32:34, 37:40, 41:44, 45:50, 52:54, 54:61, 60:69, 68:75, 72:82, 81:87.
Aþena: Dzana Crnac 22/4 fráköst/5 stolnir, Ása Lind Wolfram 21/8 fráköst, Ajulu Obur Thatha 14, Barbara Ola Zienieweska 8/8 fráköst, Jade Edwards 7/7 fráköst, Elektra Mjöll Kubrzeniecka 5, Hanna Þráinsdóttir 4/5 fráköst/5 stoðsendingar.
Fráköst: 25 í vörn, 11 í sókn.
Stjarnan: Kolbrún María Ármannsdóttir 24/6 fráköst/5 stoðsendingar, Denia Davis- Stewart 23/17 fráköst, Diljá Ögn Lárusdóttir 19, Fanney María Freysdóttir 17/6 stoðsendingar, Ísey Ísis Guttormsdóttir Frost 4.
Fráköst: 22 í vörn, 6 í sókn.
Dómarar: Kristinn Óskarsson, Sigurbaldur Frímannsson, Einar Valur Gunnarsson.
Áhorfendur: 62