Þór frá Þorlákshöfn gerði góða ferð í Skógarselið í Breiðholti og lagði ÍR að velli, 84:73, í fjórðu umferð úrvalsdeildar karla í körfuknattleik í kvöld.
Þór hefur unnið þrjá af fyrstu fjórum leikjum sínum en ÍR er enn án stiga eftir að hafa tapað öllum leikjum sínum til þessa.
Heimamenn í ÍR voru með undirtökin í fyrri hálfleik enda átta stigum yfir, 33:41, að honum loknum.
Þórsarar sneru hins vegar taflinu við svo um munaði í síðari hálfleik. Staðan var orðin 63:58 að loknum þriðja leikhluta og gestirnir úr Þorlákshöfn hófu svo fjórða og síðasta leikhluta á því að skora fyrstu níu stig hans.
Munurinn var því orðinn 14 stig í stöðunni 72:58. Eftir það var ekki aftur snúið og Þór sigldi að lokum þægilegum 11 stiga sigri í höfn.
Marreon Jackson var stigahæstur í leiknum með 24 stig, níu fráköst og sex stoðsendingar fyrir Þór. Jordan Semple bætti við 20 stigum og tólf fráköstum.
Matej Kavas var stigahæstur hjá ÍR með 21 stig.