Skoraði 109 stig á sólarhring
Setja bókamerki
De'Aaron Fox fór á kostum með liði sínu Sacramento Kings í bandarísku NBA-deildinni í körfubolta og skoraði 109 stig í tveimur leikjum um helgina.
Fox skoraði 60 stig, sem er stigamet hjá Sacramento, þegar liðið tapaði gegn Minnesota Timberwolves aðfaranótt laugardags en Fox hélt áfram góðu gengi í nótt þegar liðið mætti Utah Jazz.
Í leiknum í nótt skoraði hann 49 stig þegar liðið hafði betur gegn Utah, 121:117.
Skemmtilegt atvik kom upp í leiknum þegar Fox stal boltanum og datt úr skónum í leiðinni en hann komst aftur í skóinn, keyrði upp völlinn og skoraði.
„Í hvert sinn sem ég stal boltanum steig hann á mig og þess vegna datt ég úr skónum. Þetta gerist í öllum skóm sem ég spila í og þetta kemur fyrir.
Að komast í skóinn og komast að körfunni var það fyrsta sem ég hugsaði um,“ sagði Fox um atvikið á blaðamannafundi eftir leikinn.
Ekki eins og jólasveinn á hreindýrssleða
Viðreisn í mikilli sókn
Umræðan var óþægileg fyrir Þórð og flokkinn allan
„Þetta er algerlega hans ákvörðun“
Fór 1.628 km í þágu sjálfsvígsforvarna
Varð að gefa dálítið af sjálfum mér
Síminn stoppar ekki hjá Árekstur.is
Skrifaði fyrstu fréttina af hvarfi Geirfinns